UALyrics.tk | The Ultimate Arabic Lyrics Page

ألف ليلة وليلة ام كلثوم
Back	الى الوراء
يا حبيبي الليل وسماه ونجومه وقمره وسهره وإنت وأنا يا حبيبي أنا يا حياتي أنا كلنا كلنا في الحب سوا والهوى آه منه الهوى سهران الهوى يسقينا الهنا ويقول بالهنا يا حبيبي يالله نعيش في عيون الليل ونقول للشمس تعالي تعالي بعد سنة مش قبل سنة دي ليلة حب حلوه بألف ليلة وليلة بكل العمر هو العمر إيه غير ليلة زي الليلة إزاي إزاي أوصف لك يا حبيب إزاي قبل ما أحبك كنت إزاي يا حبيبي كنت ولا امبارح فاكراه ولا عندي بكره استنـاه ولا حتى يومي عايشاه يا حبيبي خدتني بالحب في غمضة عين وريتني حلاوة الأيام فين حلاوة الايام فين الليل بعد ما كان غربة مليته أمان والعمر اللي كان صحرا صبح بستـان يا حبيبي يالله نعيش في عيون الليل ونقول للشمس تعالي تعالي بعد سنة مش قبل سنة دي ليلة حب حلوه بألف ليلة وليلة بكل العمر هو العمر إيه غير ليلة زي الليلة يا حبيبي إيه اجمل م الليل واتنين زينا عاشقين تايهين ما احناش حاسين العمر ثواني والا سنين يا حبيبي حاسين اننا بنحب وبس نحب وبس عايشين لليل والحب وبس يا حبيبي الحب حياتنا وبيتنا وقوتنا للناس دنيتهم واحنا لنا دنيتنا وإن قالوا عن عشاقه بيدوبوا في نار أشواقه أهي ناره دي جنتنا والحب الحب عمره ما جرح ولا عمر بستانه طرح غير الهنا وغير الفرح يا حبيبي يالله نعيش في عيون الليل ونقول للشمس تعالي تعالي بعد سنة مش قبل سنة دي ليلة حب حلوه بألف ليلة ولية بكل العمر هو العمر إيه غير ليلة زي الليلة يا قمر ليلي يا ظل نهاري يا حبي يا أيامي الهنيه عندي لك أجمل هديه كلمة كلمة كلمة الحب اللي بيها تملك الدنيا وما فيها واللي تفتح لك كنوز الدنيا ديه قولها ليـه قولها للطير للشجر للناس لكل الدنيا قول الحب نعمة مش خطيه الله محبة الخير محبة النور محبة يا رب تفضل حلاوة سلام أول لقا في ايدينا وفرح أول ميعاد منقاد شموع حوالينا ويفوت علينا الزمان يفرش أمانه علينا يا رب لا عمر كاس الفراق المر يسقينا ولا يعرف الحب مطرحنا ولا يجينا وغير شموع الفرح ما تشوف ليالينا يا حبيبي يالله نعيش في عيون الليل ونقول للشمس تعالي تعالي بعد سنة مش قبل سنة دي ليلة حب حلوه بألف ليلة وليلة بكل العمر هو العمر إيه غير ليلة زي الليلة
Copyright © 2003 UALyrics.tk. All rights reserved.